Comments Add Comment
No ads found for this position

लाग्यो कलाकारलाई तीज, सहिमाको ‘रातो सारी खुशी भएपछि’

sahima shrestha teej song
गायिका सहिमा श्रेष्ठले यो बर्षको तीज गीत तयार पारेकी छिन् । ‘म भन्दा नि खुसी भा छ मेरो रातो सारी’ बोलको गीतको म्यूजिक भिडियो छायांकन गरिएको छ । केही दिनमै भिडियोलाई बजारमा ल्याउने तयारीमा रहेकी गायिका श्रेष्ठले गाएको यो गीतलाई पत्रकार एवं गीतकार शान्तिप्रियले लेखेका हुन् ।

गीतलाई संगीतकार दीपक शर्माले संगीत भरेका छन् । ‘रातो सारी’मै सजिएर सहिमाले गीतमा मोडलिङ गरिन् । सहिमा आफ्नो गीतको भिडियोमा आफै देखिन रुचाउँछिन् । भिडियोको निर्देशन स्मृती तिमिल्सीनाले गरेकी हुन् भने छायांकन शिबराम श्रेष्ठले गरेका हुन् ।

तीज आउन करिब २ महिना बाँकी रहेको समयमा गायक-गायिकाहरु एल्बम र भिडियो निकाल्न लागिपरेका छन् । हुनत, बर्षेनी ३ करोड भन्दा बढी लगानी भएपनि तीजको गीतबाट कलाकारलाई खासै फाइदा भने छैन ।

तर, गीत बजारमा निकाल्दा विदेशमा आयोजना हुने कार्यक्रममा पुग्न पाउने लोभ कलाकारमा छ । यसैले पनि उनीहरु हरेक बर्ष तीजमा महंगो रकम खर्च गरेर गीत तयार पारिरहेका छन् । अहिले अधिकांश गायक-गायिका तीजको गीतको रेकर्ड र भिडियो तयार पार्न व्यस्त छन् ।

यो खबर पढेर तपाईलाई कस्तो महसुस भयो ?

ट्रेन्डिङ

Advertisment