Comments Add Comment
No ads found for this position

‘भारत’का लागि अदालतले दिएको ‘स्टे अर्डर’ खारेज

जेठको २२ गते बुधबार नै नेपालमा रिलिज भएको चलचित्र ‘भारत’का लागि जिल्ला अदालत काठमाण्डौले दिएको ‘स्टे अर्डर’ खारेज गरेको छ । चलचित्र विकास बोर्डले पठाएको स्पष्टिकरण पत्र पाएसँगै अदालतले भारतका लागि दिएको ‘स्टे अर्डर’ खारेज गरेको हो ।

यो चलचित्रको नेपाल वितरक ब्यांकटेस इन्टरटेन्मेन्टले बुधबार नै ‘भारत’ नेपालमा रिलिज गरि पाउँ भनेर अदालतमा मुद्दा दायर गरेको थियो । सोही मुद्दाको आधारमा अदालतले स्वतन्त्र व्यापारमा हस्तक्षेप नगर्नु भनेर चलचित्र विकास बोर्डको नाममा आदेश दिएको थियो ।

तर, चलचित्र विकास बोर्डले पठाएको स्पष्टिकरण पत्र प्राप्त गरेसँगै ‘भारत’का लागि दिएको स्टे अर्डर अदालतले खारेज गरेको हो । के अब, कुनै पनि विदेशी चलचित्र शुक्रबार बाहेक अरु दिन रिलिज हुन अब नपाउने हुन् त, चलचित्र विकास बोर्डका अध्यक्ष केशव भट्टराइले भने–‘भारत चलचित्रका लागि अदालतले दिएको स्टे अर्डर खारेज भएको हो । अरु, चलचित्रले अदालत नै जान नपाउने भन्ने होइन । तर, अब यस्ता प्रकृतीका मुद्दालाई अदालतले दर्ता नै गर्दैन भन्ने हामीलाई विश्वास छ ।’

उनले, अहिले एउटा चलचित्रका लागि मात्र स्टे अर्डर जारी भएपनि यो मुद्दाको किनारा लाग्ने बताए । मुद्दाको किनारा लागेसँगै केही फैसला आउने भट्टराइको भनाई छ ।

यो खबर पढेर तपाईलाई कस्तो महसुस भयो ?

ट्रेन्डिङ

Advertisment