Comments Add Comment
No ads found for this position

श्रद्धा भन्छिन्–‘पलजी रोमान्टिक हुनुहुन्छ, तर फिल्ममा रोमान्सको दृश्य कम छ’

कोलकत्तामा रहेर मोडलिङ गरिरहेकी मोडल श्रद्धा क्षेत्री चलचित्र ‘हृदयभरी’बाट नेपाली चलचित्र क्षेत्रमा प्रवेश गरेकी छिन् । भदौ २७ गतेलाई यो चलचित्रको प्रदर्शन मिति तय गरिएको छ । यो चलचित्रमा आफ्नो भूमिका एकदमै राम्रो रहेको उनले सुनाइन् । यो चलचित्रमा उनी ‘मिस नेपाल’को भूमिकामा छिन् ।

नायक पल शाहको जोडीको रुपमा देखिएकी श्रद्धा उनीसँगको जोडी जम्नेमा विश्वस्त छिन् । श्रद्धाले भनिन्–‘पलजी काम गर्दा एकदमै समर्थन गर्ने, गाइड गर्ने, यसो गर उसो नगर भन्नुहुन्छ । उहाँ रोमान्टिक पनि हुनुहुन्छ । तर, चलचित्रमा हाम्रो रोमान्सको दृश्य खासै छैन ।’

कोलकत्तामा बसेर नेपाली चलचित्रमा काम गर्दा गाह्रो नहुने उनको तर्क छ । उनले, आफूलाई नेपाली चलचित्रमा काम गरौं भनेर सोच आएको धेरै नभएको बताइन् । तर, नेपाली चलचित्रमा केही योगदान गरौ भन्ने सोच रहेको उनले सुनाइन् । अनलाइनखबरसँगको कुराकानीमा श्रद्धाले आफ्नो अभिनयमा आफूलाई पूर्ण रुपमा विश्वास लागेको सुनाइन् । आफ्नो भूमिकामा शत प्रतिशत विश्वास नभएसम्म काम गर्न नसकिने उनको तर्क छ ।

‘हृदयभरी’मा आफूले काम गरेको भूमिका एकदमै च्यालेन्जिङ रहेको समेत श्रद्धा बताउँछिन् । उनले, आगामी दिनमा पनि राम्रो प्रोजेक्टमा काम गर्ने इच्छा व्यक्त गरिन् ।

यो खबर पढेर तपाईलाई कस्तो महसुस भयो ?

ट्रेन्डिङ

Advertisment