Comments Add Comment
No ads found for this position

गर्मीले भरतपुर, खैरहनी र गैंडाकोटका विद्यालय बन्द

१ असार, चितवन । चितवनमा बढेको अत्याधिक कारण यहाँका विद्यालयहरु तीन दिनका लागि बन्द गरिने भएको छ ।

भरतपुर महानगरपालिकाले चितवनमा अत्यधिक गर्मी बढेको कारणले महानगरभित्रका सामुदायिक र संस्थागत सबै विद्यालय तीन दिन बन्द गर्ने निर्णय गरेको छ ।

महानगरपालिकाले पठनपाठन हुने कुल दिनमा नघट्ने गरी बर्षे बिदाबाट कट्टा हुने गरी बिदा दिन अनुरोध गरेको छ । महानगरपालिकाबाट आइतबार जारी गरिएको सूचनामा असार २ गतेबाट असार ४ गतेसम्म विद्यालय बन्द गर्न अनुरोध गरिएको छ ।

खैरहनी नगरपालिकाले नगर भित्र रहेका सामुदायिक विद्यालय तीन दिन वन्द गर्ने निर्णय गरेको छ ।

बढ्दो गर्मीलाई मध्यनजर गर्दै असार २ गतेदेखी ४ गतेसम्म विद्यालय वन्द गर्ने निर्णय गरिएको खैरहनी नगरपालिकाका मेयर लालमणि चौधरीले जानकारी दिए ।

गर्मीका कारण विद्यार्थीहरु बेहोस हुन थालेको प्रधानाध्यापकहरुले बताएका छन् ।

अत्याधिक गर्मीले विद्यार्थी वेहोस हुन थालेको गुनासो प्रधानाध्यापकबाट आयो मेयर चौधरीले भने – तत्कालका लागि तीन दिन विद्यालय वन्द गरिने भए पनि त्यसपछि पनि यस्तै अवस्था रहे थप गर्न सकिन्छ ।

खैरहनी नगरपालिका भित्र २८ वटा सामुदायिक विद्यालय रहेका छन् । दिन प्रतिदिन वढ्दो गर्मीका कारण चितवनको सवै क्षेत्रमा असर परिरहेको छ ।

यसैगरी नवलपुरको गैडाकोट नगरपालिकाले पनि असार २ गतेदेखि ४ गतेसम्म तीन दिन विद्यालय बन्द गर्ने निर्णय गरेको छ ।

गर्मीका कारण समस्या भएको भन्दै विद्यालय बन्द गरिने नगरपालिकाले जनाएको छ ।

यो खबर पढेर तपाईलाई कस्तो महसुस भयो ?

ट्रेन्डिङ

Advertisment